انت قلبي

انت قلبي علامك كل يوم تسافر

                      انت عنيت رجلي وانت بكيت عيني

وانت جرح شكيته في ضلوعي خناجر

                      كل فرقا جير وصرختين وونــيــن

وش اسـوي بـقـلب مـل صبره وصابر

                   وش اسولف واسولف ياغلاي وحنيني

لوتموت الاماني ماتــموت المــشاعر

                  رغم حظك وحظي شوف وينك وويني

قلت مدري وبوحي يستفيض الخواطر

                  والـليــالي تــميــل بـثـقــلــها وتحديني

جفت البيد جفت دون ضحكه وماطر

                 أيــه اعــزيــك روحي بالخفا واليقيني

تذكر اللي كتبته مانســيتـه وخــابر

                 قلت تكــفى حـبيـبي لاتطـــول تجيني

وانت حلم وصالك مانقطع دوم عاطر

              كيــف ابنـــساك قلي وانت مني وفيني