محبوبتي
محبوبتي طال السهر والجفا طال
يرضيك من بعد الجفا تهجريني
الله لنا ماصرت تسأل عن الحال
ماسرع نسيت العهد بينك وبيني
في ذمتك ماجيت مره على البال
وحسيتي انك بالهجر تظلميني
بيني وبينك حب وعهود وآمال
واعوام عشناها من اجمل سنيني
ولو كان مافي القلب يابنت ينقال
يمكن بعض الاحيان ماتصدقيني
بالشعر عنـيتك على كـل موال
في كل جرح صرت اشوفك بعيني
غبتي وجرحك بالضماير ولازال
عنـــدي امــل يمكن بعد تذكريني
وطال الغياب وماوصل من مرسال
يرضيك كل اللي تسوين فيني