ياهاجره

يهاجره ردي على صوت مشــتاق

                            دام المواجع في ضميري خفيه

اعاهدك بالـحب واعطيـــك ميثــاق

                           ياعمري الحاظر ورجوى البقيه

خوذي قصيدي والمشاعر والاشواق

                            خوذي خفوق اللي يحبك هديه

وصادق غلاي اللي نظمته بالاوراق

                             ياللي حياتي قبل اعرفك شقيه

قربك هناي وبلسم الصدر لاضاق

                           عقـــبك يضيك الكون كله عليه

هجرك شقاي وهم في وسط الاعماق

                         وشوفك يزيل طعون بالصدر حيه

ياساحرتني في تواصيف واخلاق

                          يومي حزين ولــيلتي سرمديــه

يالله عسى حبــــنا مابـــه افراق

                          عساك ياغلى الناس تبقيـن ليه