مالك أمان

مالك أمان واعترف بالخيانه

                       خناجرك للحين في صدري شهود

خاين وقلبك مايصون الامانه

                        مثل البحر فيه الغدر دوم معهود

خليت قلب عيشك في حنانه

                         فاقد حنان وبالشقى منك موعود

حطمت في فعل الخيانه كيانه

                        واخلفت كل اللي قطعته من وعود

بكرا تجي والوقت يرجع زمانه

                        وحاسبك حتى على النقص والزود

واسقيك من كاس الجفا والمهانه

                        واطيح الدمعه من عيونك السود

دامك بديت الغدر واظهرت شانه

                         بيني وبينك جاير الوقت موجود

واللي طعنته حط نفسك مكانه

                     ترى الجزا في شرع الاحباب مردود