الله واكبر ياحلاته ومافيه

                     اللي غروره مع حـلاته سحرني

سبحان رب كمله دوم معطــيه

                     كل الخــلايق في صفــاته تـغني

عيون تذبح من يشوفه وترميه

                     لاسلهمت ضاع العقل طار مني

البدر ياخذ نور من لون خديه

                     يسرق ضياه وزود حسنه فتني

والقد مياس تمايل خطاويـــــه

                     الله عليه شــلون يرضـى يحـني

فيه الحلا والملح والزين باقيه

                     زود الــدلال وفتـنـتـه والتجنــي

آموت واحيا في شقاوة تغليه

                     مرضى بروحي تبتعد يوم عني

الله عليه وياحلاته بما فيـــه

                     كله على بعضه حبيبي سحرني